Bu gün AFFA İntizam Komitəsinin növbəti iclası keçirilib
Komitə üzvləri əvəzedicilərin çempionatının XXVII turunda baş tutan "Muğan" - "Xəzər Lənkəran" oyunu ilə bağlı qərarlar qəbul edib. Oyunun 44-cü dəqiqəsində "Muğan"ın futbolçusu İsmayıl İsmayılov idmançıya yaraşmayan hərəkətə görə ikinci sarı vərəqəni aldığından 1 oyunluq cəzalandırılıb, klubu 100 manat cərimə olunub. 84-cü dəqiqədə isə "Xəzər Lənkəran"ın futbolçusu Mircamal Əlizadə kobud oyuna görə birbaşa qırmızı vərəqə alıb. Bu səbəbdən futbolçu 2 oyunluq cəzalandırılıb, klubu 1000 manat cərimələnib.
"Xəzər Lənkəran" 5 futbolçusu sarı vərəqə ilə cəzalandığı üçün əlavə 500 manat cərimə edilib. Bundan başqa "İnter"lə oyunun 39-cu dəqiqəsində yerli azarkeşlər tərəfindən meydançaya kənar əşya atılması olub. Bu səbəbdən "Xəzər Lənkəran" 2000 manat cərimə olunub.