İsveçrə prokurorluğu FİFA prezidenti Yozef Blatterdən korrupsiya iddaları ilə bağlı açıqlama tələb edib.
Simsar.az “Frans Press” agentliyinə istinadən xəbər verir ki, buna səbəb 2018 və 2022-ci illərdə keçirilməsi planlaşdırılan futbol üzrə Dünya Çempionatlarıdır. Belə ki, dünya futbol ictimaiyyəti Blatteri yarışlara ev sahibliyi edəcək ölkələrdən bunun üçün rüşvət almasında ittiham edir.
Məsələ ilə bağlı açıqlama verən FİFA hüquq müdafiəçisi Hans Yoahim Ekkert korrupsiya skandalının əsassız olduğunu və FİFA-nın ədalətli qərar qəbul etdiyini bildirib. 2018 və 2022-ci illərdə baş tutacaq Dünya Çempionatları üçün ev sahibini yenidən müəyyən edəcək seçimə ehtiyac olmadığını deyən hüquq müdafiəçisi məkanla bağlı heç bir dəyişikliyin olmayacağını əlavə edib.
Vüsal Məmmədzadə