Bu gün 19 yaşadək futbolçular arasında Avropa çempionatının seçmə mərhələsində son turun oyunları keçiriləcək. Simsar.az xəbər verir ki, 4-cü qrupda mübarizə aparan Azərbaycan millisi Sloveniya ilə münasibətlərə aydınlıq gətirəcək. Hazırda 1 xalla sonuncu pillədə qərarlaşan Nikolay Adamın yetirmələri qələbə qazanacaqları təqdirdə elit raunda vəsiqə qazana bilərlər. Bunun üçün 2 xalla 2-ci pillədə qərarlaşan Macarıstan seçməsinin Slovakiya ilə matçda qələbə qazanmaması da vacibdir.
Avropa çempionatı, seçmə mərhələ oyunu
15 noyabr
16:00. AZƏRBAYCAN - Sloveniya
Baş hakim: Eli Hakmon (İsrail)
Tatabanya. Qroşiş Qyula stadionu
16:00. Macarıstan – Slovakiya
Baş hakim: Marko Quida (İtaliya)
Dunayuvaroş. Esperanto stadionu
1. Slovakiya – 6
2. Macarıstan – 2
3. Sloveniya – 1
4. Azərbaycan – 1
Qeyd edək ki, İlk oyununda Macarıstanla 1:1 edən Azərbaycan millisi, ikinci turda Slovakiyaya 1:4 hesabı ilə uduzmuşdu.
Vüsal Məmmədzadə