Braziliya Futbol Federasiyası milli komandanın üzvləri ilə maaş məsələsini fərqli formada həll edir. Simsar.az xəbər verir ki, bu komandada yalnız baş məşqçi Dunqa və onun köməkçisi Andrey Lopes müqavilə ilə işləyirlər. Bu müqaviləyə görə Dunqa ilinə 1.8 milyon, Lopes isə 300 min avro qazanır. Texniki heyətin digəri üzvləri isə müqaviləsiz çalışırlar. Federasiya bu məşqçilərə işlədikləri günə görə maaş ödəyir.
Milli komandanın şərəfini qoruyan futbolçular isə düşərgədə qaldığı günə görə pul qazanır. Məsələn, Dünya Çempionatı zamanı futbolçulara gündəlik 10 min avro ödənilirdi. Hazırlıq və seçmə mərhələ matçları üçün isə bu, 4 min avro məbləğində müəyyən edilib.
Vüsal Məmmədzadə