Futbolçu mövsümün sonunda peşəkar futbol həyatını bitirəcəyi ilə bağlı açıqlamalar verib.
Simsar.az xəbər verir ki, bu barədə Kot d`İvuarlı hücumçu Britaniya mətbuatına danışıb. “Qarşıda titullarımın sayını artırmaq üçün daha bir mövsüm var”, - deyən Droqba futboldan zövq alaraq karyerasını bitirmək niyyətində olduğunu bildirib: “Futboldan həmişə zövq almışam. Karyeramı elə bu tempdə bitirmək niyyətindəyəm. Mövsümün sonunda isə muzeyimizi zənginləşdirəcək titullara sahib çıxacağımıza inanıram”.
Qeyd edək ki, bu mövsüm Diyeqo Koşta və Loik Remi ilə “Çelsi”də güclü hücum xətti yaradan 36 yaşlı oyunçu mövsümü 13 matçda meydana çıxıb. Droqba bu oyunlarda 3 dəfə fərqlənməyi bacarıb.
Vüsal Məmmədzadə