İmtahanlarda ümumilikdə 109 həkim iştirak edib
Səhiyyə Nazirliyi tərəfindən praktik tibb və əczaçılıq fəaliyyəti ilə məşğul olan səhiyyə mütəxəssislərinin sertifikasiya prosesinin növbəti imtahanlarının nəticələri bəlli olub
Simsar.az-ın məlumatına görə, 13.04.2011-ci il tarixində terapiya və epidemiologiya ixtisasları üzrə keçirilmiş imtahanlarda ümumilikdə 109 həkim iştirak edib. İştirakçılardan 7 həkim 100 bal toplayaraq, ən yüksək nəticələri göstərib. Ümumilikdə isə imtahanlarda iştirak edən həkimlərdən 106 nəfər (97%) uğurlu nəticələr əldə edib.
Növbəti test imtahanları travmatologiya, narkologiya və genetika ixtisasları üzrə 20.04.2011-ci il tarixində keçiriləcək.