Klub prezidenti Ünal Aysal Peşəkar Futbol Nizam-intizam Komitəsinə (PFDK) cəlb edilib.
Simsar.az xəbər verir ki, buna səbəb prezidentin “Fənərbaxça” ilə baş tutacaq derbiyə Cüneyt Çakırın hakim kimi təyin edilməsinə göstərdiyi reaksiya olub. “Cüneyt Çakır bizə qarşı yanlış qərarları ilə yadda qalıb”, - deyən Aysal fikrini belə izah edib: “Ötən mövsüm “Kasımpaşa” ilə matçda da məğlubiyyətimizin əsas səbəbi Çakırın 10-cu dəqiqədə yersiz qırmızı vərəqə göstərməsi oldu”.
Türkiyə Futbol Federasiyası Ünal Aysalın bu açıqlamasının Futbol Nizam-intizam Təlimatlarının 38-ci maddəsinə zidd olduğunu əsas gətirərək onu PFDK-ya cəlb edib.
Qeyd edək ki, “Qalatasaray”la “Fənərbaxça” Türkiyə “Super Liqası”nın 6-cı turu çərçivəsində bu gün üz-üzə gələcəklər.
Vüsal Məmmədzadə