“Berti Foqtsun istefası millidə müəyyən dəyişikliklərə səbəb ola bilər. Amma düşünmürəm, hər şey 360 dərəcə dəyişsin”. Bunu futbol mütəxəssisi Şahin Diniyev Simsar.az-a açıqlamasında deyib. Onun sözlərinə görə, millinin uğursuz çıxışına əsas səbəb strukturun düzgün qurulmamasıdır: “Bizdə futbolun strukturu düzgün qurulmayıb. Düzgün inkişaf planı müəyyən etmək və bu plan üzrə işləmək lazımdır. Bir məşqçi dəyişikliyi ilə nəticə əldə etmək olmaz”.
Hazırkı vəziyyətdə Azərbaycan futbolunu yaxşı bilən bir mütəxəssisin baş məşqçi postuna gətirilməsini vacib hesab edən Şahin Diniyev özünə bu vəzifəni arzu etmir: “İstər yerli, istərsə də xarici məşqçi gətirsinlər, fərqi yoxdur. Əsas məsələ odur ki, yeni gələcək məşqçi bizim futbola bələd olsun. Mən isə hazırkı vəziyyətdə millinin baş məşqçisi olmaq istəmərəm”.
Vüsal Məmmədzadə