Türkiyə Futbol Federasiyası (TFF) legioner futbolçularla bağlı yeni qərar qəbul etməyə hazırlaşır. Simsar.az xəbər verir ki, yeni qərara əsasən, legioner limiti aradan qaldırılacaq. Bununla yanaşı, bəzi şərtlər də irəli sürüləcək. Bu məsələdə İngiltərə təcrübəsinə arxalanan TFF FİFA reytinqində ilk 100-lükdə olan ölkələrdən futbolçu transfer etməyə icazə verəcək. Transfer ediləcək oyunçular, həmçinin, son iki ildə milli komandanın oyunlarının minimum 50%-də iştirak etməlidirlər. Türkiyə milli komandasının baş məşqçisi Fatih Terimin rəhbərliyi ilə hazırlanan planda əsas məqsəd ölkəyə keyfiyyətli futbolçuların gəlməsini təmin etməkdir.
Qeyd edək ki, yeni qərarın növbəti mövsümdən qüvvəyə minməsi gözlənilir.
Vüsal Məmmədzadə