Bu gün “Avro-2016”nın seçmə mərhələsində 3-cü turun növbəti görüşləri baş tutacaq. Simsar.az xəbər verir ki, Azərbaycan millisinin yer alıdğı “H” qrupu ilə yanaşı, “A” və “B” qruplarında da oyunlar keçiriləcək.
Günün maraqlı mübarizələrindən biri İslandiyada reallaşacaq. Burada yerli komanda Hollandiyanı qəbul edəcək. İlk iki turda böyükhesablı qələbələrə sevinən ada təmsilçisi “narıncılar”la görüşdə bunun təsadüf olmadığını sübut etməyə səy göstərəcək.
Türkiyə isə Latviya səfərindən qələbə ilə dönərək “A” qrupunun zirzəmisindən yaxa qurtarmağa çalışacaq.
“B” qrupunda Bosniya-Herseqovina Belçikanı qəbul edəcək. Lider Uels millisi isə Kipri sınağa çəkəcək.
Günün proqramını diqqətinizə çatdırırıq:
A qrupu
21:00. Qazaxıstan - Çexiya
23:45. İslandiya - Hollandiya
23:45. Latviya – Türkiyə
B qrupu
23:45. Andorra - İsrail
23:45. Bosniya və Herseqovina - Belçika
23:45. Uels – Kipr
Vüsal Məmmədzadə