Bu gün “Avro-2016”nın seçmə mərhələsi çərçivəsində 3-cü turun görüşləri keçiriləcək. Simsar.az xəbər verir ki, oyun günündə Azərbaycan millisi də mübarizə aparacaq. Ötən tur İtaliya səfərindən əliboş qayıdan Berti Foqtsun komandası bu dəfə Xorvatiyada meydana çıxacaq. Osiyek şəhərində baş tutacaq matçı Stefan Ştuderin rəhbərlik etdiyi isveçrəli hakimlər briqadası idarə edəcək.
23:45. Xorvatiya – Azərbaycan
Hakimlər: Stefan Ştuder, Sandro Pozzi, Yan-Yves Viçt (İsveçrə)
Osiyek. "Qradski" stadionu
Xorvatiya millisi iki turdan sonra maksimum nəticə ilə qrupun liderliyinə şərikdir. Hesabında xal olmayan Azərbaycan seçməsi isə Malta ilə birgə qrupun zirzəmisində yer alıb.
1. İtaliya – 6
2. Xorvatiya – 6
3. Norveç – 3
4. Bolqarıstan – 3
5. Azərbaycan – 0
6. Malta - 0
Xorvatiya – Azərbaycan oyunu ilə yanaşı, “H” qrupunda daha iki qarşılaşma baş tutacaq. İtaliya millisi Maltaya səfər edəcək, Norveç isə Bolqarıstanı sınağa çəkəcək.
H qrupu
23:45. Malta - İtaliya
23:45. Norveç - Bolqarıstan
Vüsal Məmmədzadə