AVRO-2016-nın seçmə mərhələsində sabah Palermo şəhərində millimizi qonaq edəcək İtaliya yığmasının heyətində ciddi itkilər baş verib. Apasport.az saytının məlumatına görə, “Skuadra Adzura”nın iki furbolçusu zədələnərək, sıradan çıxıb.
Bunlar “İnter”in hücumçusu Pablo Osvaldo ilə PSJ-nin yarımmüdafiəçisi Tyaqo Mottadır. Hər iki oyunçu yığmamızla sabahkı görüşdə forma geyinə bilməyəcəklər.
Artıq Osvaldo və Motta komandanın düşərgəsini tərk edərək, klublarına qayıdıblar.
Qeyd edək ki, İtaliya – Azərbaycan oyunu Palermo şəhərində baş tutacaq. Qarşılaşma isə Bakı vaxtı ilə saat 23:45-də başlayacaq.