Ali futbol qurumu Dünya Çempionatlarında Afrika təmsilçilərinin sayını artırmaq niyyətindədir. Simsar.az xəbər verir ki, bu barədə FİFA İcraiyyə Komitəsinin üzvü Teo Svansiger məlumat verib. Onun sözlərinə görə, növbəti Mundialdan etibarən turnirdə Afrika komandalarının sayı 6-a çatdırılacaq. Bu, Avropa təmsilçilərinin sayının bir vahid azaldılması hesabına mümkün olacaq. Artıq, qurumun prezidenti Yozef Blatterin də təklifə müsbət yanaşdığı bildirilir.
Qeyd edək ki, son Dünya Çempionatında Afrikadan 5, Avropadan 13 komanda iştirak etmişdi.
Vüsal Məmmədzadə