Mədəniyyət və turizm nazirinin müavini Sevda Məmmədəliyeva Çex Respublikasının Azərbaycandakı səfiri Vitezslav Pivonka ilə görüşüb
Nazirliyin mətbuat xidmətindən Simsar.az-a bildirilib ki, görüşdə iki ölkə arasında mədəniyyət və turizm sahəsində ikitərəfli əlaqələrin hazırkı vəziyyəti və gələcək perspektivləri müzakirə olunub.
Nazir müavini hər iki ölkənin beynəlxalq təşkilatlar çərçivəsində bir-birinin mövqeyini dəstəkləməsini və ikitərəfli əlaqələrin sürətlə inkişaf etməsini məmnunluqla ifadə edib.
Görüşdə səfir “Hot&Cold. Drinking glasses and porcelain from Central Europe” adlı sərginin təşkilinə nazirlik tərəfindən kömək göstərilməsini arzulayıb.
Nazir müavini sərginin təşkilinə mümkün köməyi göstərəcəklərini bildirib.