Bu həftə UEFA Avropa Liqasında mübarizə aparan “Qarabağ” Apenin yarımadasına səfər edəcək. Simsar.az xəbər verir ki, səfər öncəsi Ağdam təmsilçisi İtaliya mətbuatının diqqət mərkəzindədir. Oktybarın 2-i keçiriləcək matçdan öncə komandaların vəziyyəti haqqında məlumat verən Mondiali.net saytı “İnter”i kağız üzərində favorit hesab edir. Milan təmsilçisinin iki il öncə “San Siro”da “Neftçi” ilə heç-heçə etdiyini xatırladan informasiya portalı “Qarabağ”ın həftəsonu Bakı klubu üzərində qələbə qazandığını qeyd edib.
“İnter”in “Dnepr” səfərindən qələbə ilə qayıtması italiyanları ümidləndirsə də, onlar “mavi-qaralar”ın Avroliqa turnirində iddialı olacağını inanmırlar: “Bu yarışda “Qarabağ” və “Dnepr” kimi klublar daha iddialı görünürlər. “Sent Etyen”in Bakıda qələbəyə həsrət qalması, eləcə də, “Dnepr”in “İnter”ə qarşı göstərdiyi müqavimət bunu deməyə əsas verir”.
Qurban Qurbanovun uğurlarından danışan Mondiali.net “Qarabağ”ın Avrokuboklardakı uğurlarından da bəhs edib: “İnter” bu yarışda daha təcrübəli görünür. Lakin “Qarabağ” da təcrübəsiz deyil. Bu klub, xüsusilə, doğma meydanda möhtəşəm azarkeş dəstəyi qarşısında uğurlu nəticələr əldə etməyə öyrəşib”.
Rəqibin Milana məğlub olmaq üçün gəlməyəcəyini bildirən mondiali.net yazıya “Qarabağ”ın qolkiperi İbrahim Şehiçin sitatı ilə yekun vurub: “Bizim bu oyunda müdafiədə oturmaq fikrimiz yoxdur. Açıq oyunla bacardığımızı nümayiş etdirəcəyik”.
Qeyd edək ki, “İnter” – “Qarabağ” matçı oktyabrın 2-i Bakı vaxtı ilə saat 00:05-də start götürəcək.
Vüsal Məmmədzadə
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
