Həftəsonu Avropanın yaşıl meydanlarında futbol həyəcanı davam edib. Simsar.az xəbər verir ki, UEFA Avroliqada Azərbaycanı təmsil edən “Qarabağ”ın rəqibləri də öz ölkələrinin çempionatlarında növbəti oyunlarını keçiriblər.
Qrupun favoriti hesab edilən İtaliya “İnter”i doğma meydanda “Kalyari”yə boyun əyib. Fransa çempionatına uğurlu start verən “Sent Etyen” Marsel səfərindən əliboş qayıdıb. Ukrayna çempionatının lideri “Dnepr” isə kubok oyununda “Volın”a məğlub olub.
“İnter” 1-4 “Kalyari”
“Olimpik Marsel” 2-1 “Sent Etyen”
“Volın” 1-0 “Dnepr”
Qeyd edək ki, “Qarabağ” Topaz Premyer Liqasının 6-cı turu çərçivəsində “Neftçi” ilə baş tutan matçda 3-1 hesablı qələbə qazanmışdı.
Vüsal Məmmədzadə