İtaliyada voleybolçu qadınlar arasında Dünya Çempionatı davam edir.
Simsar.az xəbər verir ki, bu gün yarışmada 3-cü turun oyunları keçirilir. “D” qrupunda qərarlaşan Azərbaycan millisi növbəti görüşündə Puerto-Riko ilə üz-üzə gəlib. Gərgin mübarizə şəraitində keçən oyunda qalib tay-brekdə bəlli olub. Burada daha güclü olan həmyerlilərimiz yekunda qələbə qazanıblar.
Puerto-Riko – Azərbaycan 2:3 (20:25; 26:24; 24:26; 25:16; 15:17)
Seçmə komandamızın yer aldığı qrupda daha iki matç keçiriləcək. Qrupun lideri Çin millisi Belçikanı sınağa çəkəcək. Yaponiya isə Kuba ilə münasibətlərə aydınlıq gətirəcək.
Xatırladaq ki, Azərbaycan ilk turda Yaponiyanı üstələsə də (3:2), növbəti oyunda Çinə məğlub olmuşdu (0:3).
Vüsal Məmmədzadə