"Reynaldo məsələsi hələlik açıq qalır. Onun milliləşdirilməsi ilə bağlı FİFA-ya müraciət etməmişik. Reynaldo Azərbaycanda cəmi iki ildir çıxış edir. FİFA-ya müraciət etməyimiz üçün səbəb olmalıdır".
Simsar.az-ın məlumatına görə, bu sözləri AFFA-nın baş katibi Elxan Məmmədov "Mançester Yunayted"in futbol məktəbinin açılması ilə bağlı keçirilən tədbirdə deyib.
AFFA rəsmisi Reynaldonun "Avro-2016"nın seçmə mərhələsində İtaliya və Xorvatiya ilə görüşlərində millimizin heyətində oynamasının mümkünsüz olduğunu bildirib:
"Bu çətin prosesdir. Reynaldo Braziliyada doğulub, ata-anası və ya baba-nənəsinin Azərbaycanla heç bir bağlılığı yoxdu. Əgər biz ona Azərbaycan pasportu verib millidə oynatsaq, FİFA tərəfindən cəzalana bilərik. Onun İtaliya və Xorvatiya ilə oyunlarda yığmamızın heyətində çıxış etməsi mümkün deyil".