Çumbinyonun ardından, Danilo Dias da zədə səbəbilə komandasına kömək edə bilməyəcək
Simsar.az xəbər verir ki, buna səbəb, futbolçunun əməliyyat olunmaq üçün Türkiyəyə getməsidir. Klubun mətbuat xidmətindən verilən məlumatda Diasın dizində olan zədədən əziyyət çəkdiyi və bunun üçün əməliyyat ediləcəyi bildirilib. Onun növbəti iki ayda meydana çıxa bilməyəcəyi ehtimal olunur. Bu isə o deməkdir ki, braziliyalı UEFA Avropa Liqasında “İnter” və “Dnepr”lə keçiriləcək görüşlərdə komandasına kömək edə bilməyəcək.
Qeyd edək ki, “Sent-Etyen”lə oyunda zədələnən Çumbinyo da beş ay müddətinə futboldan uzaq düşüb.
Vüsal Məmmədzadə