Avropa çempionatının seçmə mərhələsində çıxış edən 19 yaşadək futbolçu qızlardan ibarət Azərbaycan millisinin taleyinə aydınlıq gəlib. Simsar.az xəbər verir ki, Bakıda keçirilən 2-ci qrupun oyunları başa çatmamış yığmamızın mərhələni adlamayacağı dəqiqləşib.
Buna millimizin ardıcıl 2 məğlubiyyət alması səbəb olub. İlk turda Ukraynadan 1, dünən isə Danimarkadan 3 cavabsız qol buraxan Patrisiya Qonzalesin yetirmələri üçün 2-ci pillə əlçatmaz olub.
Belə ki, həm Danimarka, həm də Ukrayna 6 xal toplamaqla qrup qalibinin adına son turun öz aralarındakı oyununda aydınlıq gətirəcək. Millimiz isə sonuncu olmamaq üçün xalsızların duelində Kiprlə üz-üzə gələcək.
Yarışın qaydalarına əsasən yalnız qrup qalibləri birbaşa II seçmə mərhələyə yüksəlir. İkinci pillə sahibləri arasında isə ən pis göstəriciyə malik komanda mübarizəni dayandırır. Digər 10 milli isə qrup qalibləri və I mərhələdən azad İngiltərə, İspaniya, Fransaya qoşulur.
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
.jpg)
