"Qarabağ" futbol klubu "Sent Etyen"lə oyun ərəfəsində mətbuatın xanım azarkeşlərin marağını nəzərə alaraq yenilik etmək qərarına gəlib. Simsar.az-ın məlumatına görə, 34-cü sektor (media sektorunun altı) sırf zərif cinsin nümayəndələri üçün ayrılıb. Xanım media mənsubları 34-cü sektora dəvətnamə əldə etmək üçün kluba müraciət edə bilərlər.
Qeyd edək ki, tarixində ilk dəfə Avropa Liqasının qrup mərhələsinə vəsiqə qazanan "Qarabağ" sentyabrın 18-də saat 21:00-da Respublika stadionunda Fransanın "Sent Etyen" kollektivini qəbul edəcək.