Həftəsonu UEFA Avropa Liqasında Azərbaycanı təsil edən Ağdam klubunun rəqibləri öz ölkələrinin çempionatlarında meydana çıxıblar. Simsar.az xəbər verir ki, hər 3 rəqibimiz turu qələbə ilə başa vurublar.
İtaliya “İnter”i “A Seriyası”nda “Sassuolo”nu darmadağın edib. Ukrayna çempionatında “Metallist Xarkov”un qonağı olan”Dnepr” də çətin səfərdən üzüağ qayıdıb. “Sent Etyen” isə Fransa birinciliyinin 5-ci turunu qələbə ilə başa vurub.
“İnter” 7-0 “Sassuolo”
“Metallist Xarkov” 2-5 “Dnepr”
“Sent-Etyen” 1-0 “Kann”
Bu nəticələrdən sonra turnir cədvəlində “İnter” və “Sent-Etyen” 4-cü, “Dnepr” isə 2-ci pillədə qərarlaşıb.
Qeyd edək ki, UEFA Avropa Liqasının ilk oyununda “Qarabağ” “Sent-Etyen”i qəbul edəcək. Görüş sentybarın 18-i saat 21:00-da start götürəcək.
Vüsal Məmmədzadə