Sumqayıt şəhərində azyaşlı giriş qapısının təsadüfən kilidlənməsi nəticəsində mənzildə köməksiz vəziyyətdə qalıb.
Fövqəladə Hallar Nazirliyinin mətbuat xidmətindən Simsar.az-a verilən məlumatına görə, nazirliyin müvafiq xilasetmə qüvvələri dərhal hadisə yerinə cəlb olunub. Xilasedicilər təhlükəsizlik qaydalarına riayət etməklə xüsusi alət və avadanlıqlar vasitəsilə beşmərtəbəli yaşayış binasının damından 4-cü mərtəbədə yerləşən mənzilə eyvandan enərək daxil olub.
Mənzildə nəzarətsiz qalmış uşaq aidiyyəti üzrə təhvil verilib.