Vaxtilə həm “Neftçi”də, həm də “Xəzər Lənkəran”da baş məşqçi olmuş Ağasəlim Mircavadov “Böyük oyun” öncəsi fikirlərini Simsar.az-la bölüşüb.
- Bu tur “Neftçi” – “Xəzər Lənkəran” oyunu ilə yadda qalacaq. “Böyük oyun”dan hansı nəticəni gözləyirsiniz?
- “Böyük oyun”da böyüklük qalmayıb. Amma yenə də “Neftçi” – “Xəzər” duelinin intriqası və özünəməxsus ab-havası var. Maraqlı oyun gözləyirəm.
- Sizcə, hazırkı vəziyyətdə favorit hansı komandadır?
- Hazırkı vəziyyətdə hansısa tərəfi favorit kimi qiymətləndirmək düzgün olmazdı. Hər iki klub mövsümə pis başlayıb. Qeyri-stabil oyun sərgiləyirlər. Bu oyunda favorit tərəfdən daha çox oyunun maraqlı alınması mənə maraqlıdır. Maraqlı oyun Azərbaycan futbolunun inkişafına xidmət edir.
- Arif Əsədovun gəlişi “Neftçi”də nələri dəyişəcək?
- Yaxşı mütəxəssisdir. Artıq onu təbrik etmişəm. Uğurlar arzu edirəm. Ümid edirəm, hər şey “Neftçi” üçün uğurlu olacaq.
- “Neftçi” rəhbərliyi oyunun yayımlanmasını istəmir. Buna münasibətiniz necədir?
- Bu, klub rəhbərliyin qərarıdır. Nəsə deyə bilmərəm. Amma yaxşı olar ki, oyunu televiziya vasitəsilə də təqdim edərdilər. Təkcə bu oyunu yox, istər Naxçıvandakı, istər Bakıdakı oyunları, fərq etməz. Yaxşı olardı ki, bütün oyunları göstərərdilər. Bu da futbolun məşhurlaşması və sevdirilməsi baxımından vacibdir.
- Çempionatın startında hansı klubun çıxışı diqqətiniz çəkdi?
- Məni təəccübləndirən hansısa klub olmayıb. Sadəcə, bəzi maraqlı nəticələr qeydə alınıb. Məsələn, “Xəzər Lənkəran”ın doğma meydanda “Sumqayıt”a uduzması. Həmçinin, turnir cədvəlinə “Sumqayıt”ın liderlik etməsi də diqqətçəkəndir. Düzdür, onlar ilk 3 xallarını texniki qələbə ilə əldə ediblər, amma komanda olaraq da gözəl oyun sərgiləyirlər.
Hələ ki, çempionatda startdır. Əsas hadisələr qabaqdadır. Qarşıdakı turlarda kimin həqiqətən güclü, kimin zəif olduğu məlum olacaq.
Vüsal Məmmədzadə
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
