Özbəkistanın paytaxtı Daşkənd şəhərində böyüklər arasında güləş üzrə Dünya çempionatı davam edir.
Simsar.az xəbər verir ki, çempionatın beşinci günündə 63 kq çəki dərəcəsində qadın güləşçilər, 75 və 85 kq çəki dərəcəsində yunan-Roma güləşçiləri yarışır.
Qadın güləşçilərin mübarizəsində 63 kq çəki dərəcəsində yarışan Raqnetta Qurbanzadə İsveçdən olan rəqibi Yohanssona məğlub olub.
75 kq çəkidə mübarizəyə qoşulan Elvin Mürəsliyev ilk görüşündə erməni rəqibi ilə bacarmayıb. 85 kq-da yarışan Saman Təhmasibi isə adını 1/8 finala yazdıra bilib.
63 kq
1/8 final - Raqnetta Qurbanzadə - Johansson (SWE) 0:11
75 kq
1/16 final - Elvin Mürsəliyev - Arsen Culfalakyan (ARM) 0:9
85 kq
1/16 final - Saman Təhmasibi - Ramsin Azizsir (GER) 3:2
1/8 final - Saman Təhmasibi - Liang Konq (CHN)
Xatırladaq ki, bu gün dünya çempionatında qadın güləşçilərin mübarizəsi yekunlaşır. Qadın güləşçilərin yarışında Yuliya Ratkeviç (60 kq) gümüş və Mariya Stadnik (48 kq) bürünc medal qazanıb.
Vüsal Məmmədzadə