Özbəkistanın paytaxtı Daşkənd şəhərində böyüklər arasında güləş üzrə Dünya çempionatı davam edir.
Simsar.az xəbər verir ki, çempionatın dördüncü günündə 53, 58 və 75 kq çəki dərəcəsində qadın güləşçilər yarışırlar.
53 kq çəki dərəcəsində mübarizə aparan təmsilçimiz Anjela Doroqan və 58 kq çəkidə yarışan İrina Netreba ilk görüşlərində qələbə qazansalar da, 1/8 final mərhələsində mübarizəni dayandırmalı olublar. Doroqanın rəqibi yarımfinalda uduzduğundan o, bürünc medal imkanlarını da itirib. Doroqandan fərqli olaraq Netreba təsəlli görüşlərində iştirak imkanlarını saxlayır.
53 kq
1/16 final - Anjela Doroqan - İzabella Sambou (SEN) 3:2
1/8 final - Nataliya Budu (MDA) - Anjela Doroqan 6:3
58 kq
1/16 final - İrina Netreba - Romero Bonilla (MEX) 3:1
1/8 final - Lisset Antes (ECU) - İrina Netreba 14:6
Qadın güləşçilərin ilk yarış günündə yığmamız 1 gümüş və 1 bürünc medala sahib olub. Yuliya Ratkeviç (60 kq) gümüş, Mariya Stadnik (48 kq) isə bürünc medal qazanıb.
Vüsal Məmmədzadə