Qadın voleybolçular arasında dünya çempionatına yollanacaq 24 yığmanın ilkin heyəti açıqlanıb
Simsar.az saytının məlumatına görə, sentyabrın 23-də start götürəcək mundialda Azərbaycan Super Liqasının 19 oyunçusu müxtəlif yığmaların heyətinə dəvət alıb.
Belə ki, Azərbaycan millisinin mübarizə aparacağı yarışda Bakının 4 klubunun üzvlərinin də meydana çıxması gözlənilir. Düzdür, yekun heyətdə “19-luq” azala da bilər. Lakin paytaxt klublarının aparıcı 10 yığmanın heyətində meydana çıxması gözləniləndir. Çünki bu komandalarda çıxış edən təmsilçilərimiz əsas heyətin oyunçuları hesab olunurlar.
10 yığmaya ən çox voleybolçu verən son illərin dəyişməz Azərbaycan çempionu “Rabitə”dir. Onların 8 oyunçusu 6 komandanın düşərgəsindədir. Bu siyahıda “Azəryol” həmişəki kimi ikincidir. İlk “üçlüyü” “Lokomotiv” qapadığı halda, “Telekom” dördüncüdür.
Qeyd edək ki, ölkə çempionatının bürünc mükafatçısı “İqtisadçı” tailandlı voleybolçularla müqaviləni hələ yeniləmədiyindən onlar nəzərə alınmayıb. “Azərreyl”in üzvləri isə təbii Azərbaycan millisinin şərəfini qoruyacaqlar.
Bolqarıstan
Lora Kitipova – Azəryol
Straşmira Filipova – Azəryol
Dominikan Respublikası
Brenda Kastilyo - Rabitə
Vinnifer Fernandez – Telekom
İtaliya
Françeska Ferretti – Rabitə
Valentina Arriqetti – Lokomotiv
Hollandiya
Quinta Steenbergen – Lokomotiv
Enn Buijs – Lokomotiv
Tailand
Nutsara Tomkom – Rabitə
Kanada
Tabita Lav – Azəryol
Puerto-Rika
Aurea Kruz – Rabitə
Almaniya
Lenka Dürr – Azəryol
Lisa Tomsen – Lokomotiv
Serbiya
Yovana Brakoçeviç – Azəryol
Nataşa Krsmanoviç – Rabitə
Yelena Nikoliç – Azəryol
ABŞ
Kayla Banvart – Rabitə (icarə əsasında “İqtisadçı”)
Foluke Akinradevo – Rabitə
Tori Dikson – Rabitə