Qətərin dünyaca məşhur "Əl-Cəzirə" telekanalı "Qarabağ" haqda reportaj hazırlamaq məqsədilə kluba müraciət edib.
Bu barədə Simsar.az saytına klubun mətbuat xidmətinin katibi Nurlan İbrahimov məlumat verib.
Klub rəsmisinin sözlərinə görə, Ağdam təmsilçisinin Avroliqanın qrup mərhələsinə vəsiqə qazanması qətərlilərdə maraq oyadıb və bu məqsədlə "Əl-Cəzirə" telekanalı "Qarabağ" haqda reportaj hazırlamağı planlaşdırır.
Telekanalın Avropa Liqasının qrup mərhələsinin "Sent-Etyen"lə ilk oyununa qədər Bakıya gələrək komanda haqda reportaj hazırlayacağı gözləyir.
Qeyd edək ki, "Qarabağ" - "Sent Etyen" oyunu sentyabrın 18-də, saat 21:00-da başlayacaq.