Çiro İmmobile də Azərbaycana qarşı oynaya bilməyəcək
Simsar.az “Tuttosport”a istinadən xəbər verir ki, İtaliya millisinin daha bir futbolçusu sıradan çıxıb. “Avro-2016”nın seçmə mərhələsi çərçivəsində Norveçlə keçirilən oyunda ayağında problem yaşayan İmmobilenin uzun müddət yaşıl meydanlardan uzaq qalacağı məlum olub. Beləliklə, Kiellini və Rossinin ardınca, İmmobilenin də Azərbaycan millisinə qarşı oynaya bilməyəcəyi dəqiqləşib.
Qeyd edək ki, İtaliya oktyabrın 10-da Azərbaycanı qəbul edəcək.
Vüsal Məmmədzadə