AİBA-nın yeni proekti olan AİBA Pro Boxing-in (APB) ilk mövsümünün püşkatma tarixi məlum olub. Simsar.az xəbər verir ki, tədbir sentyabrın 17-də Qazaxıstanın Almatı şəhərindəki AİBA Boks Akademiyasında keçiriləcək.
Sentyabrın 14-dən 17-ə kimi orada həm də boksçular üçün müxtəlif seminarlar da təşkil olunacaq. Sentyabrın 17-də Qazaxıstan vaxtı ilə saat 12-də Boks Akademiyasının açılış mərasimi keçiriləcək. Tədbirdə Qazaxıstan prezidenti Nursultan Nazarbayev, AİBA prezidenti Çinq Ko Vu və digər rəsmi şəxslər iştirak edəcəklər. Püşkatma mərasimi açılışdan sonra olacaq. Artıq hər çəki dərəcəsində iki reytinq favorit müəyyənləşdirilib ki, onlar püşkatmada “səpələnmişlər” sırasında olacaqlar.
Xatırladaq ki, APB yarışlarında 3 boksçumuz – Cavid Çələbiyev (56 kq), Fariz Məmmədov (69 kq) və Məhəmmədrəsul Məcidov (91+kq) mübarizə aparacaqlar. Hər çəki dərəcəsində iki idmançı 2016-cı ildə keçiriləcək Braziliya Olimpiadasına lisenziya qazanacaq. APB-də ilk döyüşlər oktyabrın 24-də start götürəcək.
Qeyd edək ki, superağır çəki dərəcəsində döyüşlərin Bakıda keçirilməsi nəzərdə tutulub.
Seymur İsayev: "Heydər Əliyev milli dövlətçilik ənənələrinin bərpasında, möhkəmləndirilməsində və qorunmasında böyük xidmətlər göstərib"
Heydər Əliyevin anadan olmasının 101-ci ildönümüdür
İlham Əliyev və Mehriban Əliyeva Heydər Əliyevin məzarını ziyarət ediblər_thumb.jpg)
Leysan olacaq, dolu yağacaq
.jpg)
