“Cəzamın qurtarmasını səbrsizliklə gözləyirəm...”
Simsar.az xəbər verir ki, bu sözləri “Barselona” klubunun futbolçusu Luis Suarez deyib. “Marca” qəzetinə müsahibə verən uruqvaylı ulduz katalanların heyətində meydana çıxmaq üçün səbrsizləndiyini bildirib: “İngiltərədə çıxış etdiyim müddətdə də buna bənzər vəziyyətdə idim və çətinliyin öhdəsindən gələ bildim. Diqqətlərin üzərimdə olmağı məni sıxmır. Cəzamın qurtarmasını səbrsizliklə gözləyirəm”. Növbəti dəfə belə bir vəziyyətə düşməmək üçün əlindən gələni edəcəyini deyən Suarez, “Artıq dərs götürmüşəm. Bundan sonra daha diqqətli olacağam”, - deyə fikrini tamalayıb.
Qeyd edək ki, futbolçu Dünya Çempionatında İtaliya millisinin müdafiəçisi Kiellinini dişlədiyi üçün 4 aylıq futboldan kənarlaşdırılıb. O, 25 oktyabrda meydana qayıda biləcək.
Vüsal Məmmədzadə