“Neftçi”nin prezidenti Sadıq Sadıqovun rəhbərliyi ilə bu gün klubdaxili iclas keçirilib
Simsar.az xəbər verir ki, iclasda aşağıdakı qərarlar qəbul edilib:
1. Vitse-prezident səlahiyyətlərinin icrası müvəqqəti olaraq “Neftçi” PFK-nın icraçı direktoru Mübariz Xudiyevə tapşırılsın.
2. Şükürov Elnur Əşrəf oğlu klub prezidentinin müşaviri vəzifəsinə təyin edilsin.
Qeyd edək ki, Tahir Süleymanov “Neftçi”nin Sloveniyanın “Koper” klubuna Bakıdakı yenilgisindən (1:2) sonra vitse-prezident vəzifəsindən istefa verib. Klubda müşavir funksiyasını sonuncu dəfə Böyükağa Hacıyev icra etmişdi.