Çempionatda yaranmış fasilədən istifadə etmək istəyən “İnter” yoxlama matçı keçirməyi planlaşdırır. Simsar.az xəbər verir ki, sentyabrın 6-da Kaxaber Sxadadzenin yetirmələri “Sumqayıt”la oynayacaqlar.
Qarşılaşma “Bakı” Futbol Klubunun təlim-məşq bazasında baş tutacaq. Oyun saat 18:00-da başlayacaq.
Xatırladaq ki, cari mövsümdə “İnter” və “Sumqayıt” komandaları arasında görüş Premyer Liqanın 3-cü turu çərçivəsində baş tutmuşdu. Həmin matç "bankirlər"in 5:1 hesablı qələbəsiylə yekunlaşmışdı.