Bu gün Çempionlar Liqasının qrup mərhələsinin püşkü atılacaq.
Simsar.az-ın məlumatına görə, Fransanın Monako şəhərində keçiriləcək püşkatma mərasimi Bakı vaxtı ilə saat 20:45-də başlayacaq.
Tədbirdə qitənin ən güclü 32 komandası iştirak edəcək ki, onlar da UEFA-nın əmsallarına görə 4 səbətə bölünəcək. Bu 32 komandadan 22-si birbaşa qrup mərhələsinə vəsiqə qazanıbsa, 10-u təsnifat mərhələlərinin qalibidir.
Burada Azərbaycan heç bir komanda ilə təmsil olunmur. ÇL-in III təsnifat mərhələsində "Qarabağ"ı mübarizədən kənarlaşdıran "Zalsburq" (Avstriya) klubu "pley-off"da "Malmö"yə (İsveç) uduzaraq qrup mərhələsindən kənarda qalıb. Türkiyə isə Çempionlar Liqasında yalnız "Qalatasaray" klubu ilə təmsil olunur. Pley-off mərhələsində "Arsenal"a uduzan "Beşiktaş" qrup mərhələsində oynamaq hüququnu itirib.
I səbət
“Real” (Madrid, İspaniya)
“Barselona” (İspaniya)
“Bavariya” (Almaniya)
“Çelsi” (İngiltərə)
“Benfika” (Portuqaliya)
“Atletiko” (Madrid, İspaniya)
“Arsenal” (İngiltərə)
“Porto” (Portuqaliya)
II səbət
“Şalke” (Almaniya)
“Borussiya” (Dortmund, Almaniya)
“Yuventus” (İtaliya)
PSJ (Fransa)
“Şaxtyor” (Donetsk, Ukrayna)
“Bazel” (İsveçrə)
“Zenit” (Rusiya)
“Mançester Siti” (İngiltərə)
III səbət
“Bayer” (Leverkuzen, Almaniya)
“Olimpiakos” (Yunanıstan)
MOİK (Rusiya)
“Ayaks” (Hollandiya)
“Liverpul” (İngiltərə)
“Sportinq” (Portuqaliya)
“Qalatasaray” (Türkiyə)
“Atletik” (Bilbao, İspaniya)
IV səbət
“Anderlext” (Belçika)
“Roma” (İtaliya)
“Ludoqorets” (Bolqarıstan)
APOEL (Kipr)
BATE (Belarus)
“Maribor” (Sloveniya)
“Monako” (Fransa)
“Malmö” (İsveç)