Voleybolçu qadınlardan ibarət “Azərreyl” klubu tarixində ikinci dəfə Avropa kubokunun qalibi olub
Simsar.az-ın məlumatına görə, komandamız əvvəlki adı “Top Komandalar” Kuboku olan “Çağırış Kuboku”nu qazanıb.
Baş məşqçi Vüqar Əliyevin komandası finalda Azərbaycanın digər təmsilçisi “Lokomotiv”ə hər iki görüşdə qalib gəlib. “Azərreyl” martın 29-da keçirilmiş ilk qarşılaşmada olduğu kimi, yenə 3:1 hesablı qələbə əldə edib. İlk set gərgin mübarizə şəraitində keçib. Normal hesab həddini aşan seti “Azərreyl” qazanıb – 30:28. İkinci setdə “Lokomotiv” 25:22 hesablı üstünlüklə bərabərliyə nail olsa da, sonrakı setlərdə böyük fərqlə uduzub – 13:25, 17:25.
Bununla da “Azərreyl” 9 illik fasilədən sonra “Çağırış Kuboku”na sahib çıxıb.
Qeyd edək ki, “Sərhədçi” İdman Olimpiya Mərkəzində keçirilmiş görüşü Azərbaycan prezidenti İlham Əliyev də xanımı Mehriban Əliyeva ilə birgə izləyib. O, oyundan sonra gənclər və idman naziri Azad Rəhimov, Azərbaycan Voleybol Federasiyasının prezidenti, nəqliyyat naziri Ziya Məmmədovun müşayiəti ilə hər iki komanda üzvləri ilə görüşüb. Prezident İlham Əliyev görüşün ən yaxşı oyunçusu seçilmiş Valeriya Korotenkonu təbrik etdikdən sonra “Azərreyl”ə “Çağırış Kuboku”nu təqdim edib. Avropa Voleybol Konfederasiyasının vitse-prezidenti Banu Can Şurmann isə onu Azərbaycanda voleybolun inkişafına göstərdiyi diqqətə görə xüsusi kubokla mükafatlandırıb.
_thumb.jpg)
Leysan olacaq, dolu yağacaq
Aybəniz Haşımovanın tələbələri xarici tamaşaçıları heyrətləndirib - VİDEO
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
.jpg)
