16-17 avqust tarixlərində Pirşağıda yerləşən “Həyat Çimərlik və Voleybol Mərkəzi”ndə çimərlik voleybolu üzrə “Azərbaycan açıq Çempionatı” baş tutacaq. Simsar.az xəbər verir ki, 10-dan çox qadın və kişi komandalarının iştirak edəcəyi çempionatda yerli cütlüklərlə yanaşı, Gürcüstandan olan bir neçə idmançı da mübarizə aparacaq. Çempionat olimpiya sistemi ilə keçiriləcək. Qalib gələn cütlüklərə qiymətli hədiyyələr təqdim olunacaq.