Topaz Premyer Liqasının II turunun oyun cədvəlində dəyişiklik edilib
Simsar.az xəbər verir ki, sabah start götürəcək turun mərkəzi qarşılaşmasının yeri və vaxtı dəyişdirilib.
Ötən mövsümün iki ən yaxşısı “Qarabağ”la “İnter” arasında qarşılaşma əvvəlcədən planlaşdırıldığı kimi Tofiq Bəhramov adına Respublika stadionunda keçirilməyəcək. Buna səbəb arenanın ot örtüyünü Avropa Liqasının pley-off mərhələsinin “Qarabağ” – “Tvente” (Hollandiya) matçına qədər ideal halda saxlanmasıdır.
Bu üzdən mərkəzi oyun İsmət Qayıbov adına Bakıxanov qəsəbə stadionunda keçiriləcək. Qarşılaşma 21:00-da deyil, saat 18:00-da start götürəcək.