Komandamız FİFA reytinqində yenə 73-cüdür
Simsar.az xəbər verir ki, avqust ayı üçün açıqlanan reytinq cədvəlində Azərbaycan millisi mövqeyini qoruyub. Komandamızın hesabında 413 xal var.
Yeni cədvəldə lider dəyişməyib. Belə ki, Almaniya 1736 xalla zirvədədir. İlk 10-luq isə belədir:
1. Almaniya – 1736
2. Argentina – 1604
3. Hollandiya – 1507
4. Kolumbiya – 1495
5. Belçika – 1407
6. Uruqvay – 1316
7. İspaniya – 1241
8. Braziliya – 1241
9. İsveçrə - 1218
10. Fransa - 1212
Avro-2016-nın seçmə mərhələsindəki rəqiblərimizsən ən yüksək göstərici İtaliya millisinə məxsusdur. “Skuadra Adzura” 1069 xalla 14-cüdür. Digər rəqiblərimiz mövqeləri isə belədir:
16. Xorvatiya – 964
53. Norveç – 512
72. Bolqarıstan – 429
150. Malta – 143
Keçmiş Sovet İttifaqı ölkələrindən reytinq cədvəlində ən yüksək pilləni Ukrayna tutur: 22-ci pillə, 901 xal. Rusiya 23-cü (899 xal) pillədə qərarlaşıb. Ermənistan 36-cı (648 xal), avqustun 21-də Bakıda millimizin qonağı olacaq Özbəkistan 51-ci (528 xal) sırada yer alıb və millimizi qabaqlayırlar. Belarus (88-ci yer, 363 xal), Estoniya (93; 344), Gürcüstan (95; 341), Moldova (99; 325), Latviya (100; 324), Litva (101; 306), Tacikistan (126; 227), Qazaxıstan (131; 213), Türkmənistan (137; 197) və Qırğızıstan (144; 176) isə millimizdən alt sıralarda qərarlaşıb.
Vüsal Məmmədzadə