Bunu Rövnək Abdullayev deyib
Bakının Ələt qəsəbəsində inşa olunan yeni gəmiqayırma zavodu Azərbaycan və Xəzəryanı ölkələrə xidmət edib, Azərbaycanın gəmiyə olan tələbatını tam ödəyəcək.
«APA-ECONOMICS»in məlumatına görə, bu barədə Azərbaycan Respublikası Dövlət Neft Şirkətinin (ARDNŞ) prezidenti Rövnəq Abdullayev bildirib.
Onun sözlərinə görə, qarşıdakı 15 il ərzində ARDNŞ-ə neft-qaz əməliyyatlarını həyata keçirmək üçün 100-dən artıq müxtəlif təyinatlı gəmi lazım olacaq: «Şirkətin hazırkı neft donanması, əsasən, 70-ci illərdə istehsal edilən gəmilərdən ibarət olduğuna görə, gəmi parkının təzələnməsinə ehtiyac var və zavod bunun öhdəsindən gələcək. Zavodda texnoloji gəmilər və üzən qurğular da istehsal olunacaq. Zavodun inşası 2013-cü ilin birinci yarısında başa çatacaq».
ARDNŞ prezidentinin sözlərinə görə, zavodda hərbi gəmilər və Xəzər Dəniz Gəmiçiliyinin sifarişi ilə gəmilər də buraxılacaq. R. Abdullayev, həmçinin qeyd edib ki, zavodun tikintisi 450 mln. ABŞ dollarına başa gələcək: «Gəmiqayırma zavodunun inşası ilə bağlı tenderlər artıq yekunlaşıb, tenderdə qalib gələn şirkətlərin adı bu ay məlum olacaq”.
Elmira Süleymanova vəfat etdi
Aybəniz Haşımova Fidan Hacıyevanı təbrik etdi
Sabah 31 dərəcə isti olacaq - PROQNOZ
Azərbaycan və Qırğızıstan prezidentlərinin məhdud tərkibdə görüşü başlayıb
.jpg)
