Bu həftəsonu Topaz Premyer Liqasında mövsümün II turunun oyunları baş tutacaq
Simsar.az xəbər verir ki, turun 3 qarşılaşması “İdman Azərbaycan” kanalı vasitəsilə azarkeşlərə canlı yayımda təqdim olunacaq.
Avqustun 16-da saat 19:00-da “Bakcell Arena”da keçiriləcək “Neftçi” – “Bakı” matçı canlı yayımda olacaq. Elə həmin gün saat 21:00-da Tofiq Bəhramov adına Respublika stadionunda baş tutacaq “Qarabağ” – “İnter” oyununu da azarkeşlər “İdman Azərbaycan” kanalından izləyə biləcəklər.
Bir gün sonra, avqustun 17-də Qəbələ şəhər stadionunda keçiriləcək “Qəbələ” – “Araz-Naxçıvan” qarşılaşması da saat 20:00-da etibarən canlı efirə gedəcək.
Qeyd edək ki, turun digər iki oyununda “Xəzər Lənkəran” “Sumqayıt”la, “Simurq” AZAL-la qarşılaşacaq.