Hummels növbəti mövsümdə komandasına liderlik edəcək
Simsar.az xəbər verir ki, Mats Hummels Dortmund “Borussiya”sının yeni kapitanı elan edilib. Bu barədə klub rəsmi məlumat yayıb: “Mats Hummels “Borussiya Dortmund”un kapitanı olacaq. Marko Roys və Roman Vaydenfeller isə köməkçi kapitan vəzifəsini yerinə yetirəcəklər”.
Qeyd edək ki, buna qədər komandanın kapitanı Sebastyan Kel idi. Onun yaşının artması və meydanda daha az görünməsi səbəbilə kapitanlıq sarğısının başqa bir üzvə verilməsi qərara alınıb.
Vüsal Məmmədzadə