Bu gün Topaz Premyer Liqasında 2014/15 mövsümünə start veriləcək
Simsar.az xəbər verir ki, ilk oyun günündə iki qarşılaşma baş tutacaq.
Meydana əvvəlcə “Bakı” və “Simurq” komandaları çıxacaqlar. Hazırda maliyyə problemləri ilə üz-üzə qalan paytaxt təmsilçisinin yeni mövsümə necə başlayacağı maraq doğurur.
Günün ikinci matçında isə AZAL “Xəzər Lənkəran”ı qəbul edəcək. Ötən çempionatı uğursuz başa vuran cənub təmsilçisi bu ilə qələbə ilə başlamaq niyyətindədir.
Topaz Premyer Liqası, I tur
9 avqust (şənbə)
18:00. “Bakı” – “Simurq”
Hakimlər: Orxan Məmmədov, Elman Musayev, Rahil Ramazanov, Fərid Məmmədov
“Bakı” FK-nın təlim-məşq bazasının stadionu
20:00. AZAL – “Xəzər Lənkəran”
Hakimlər: Rəhim Həsənov, Yaşar Abbasov, Mehman Mahmudov, Teymur Fərhadov
Əlavə köməkçi hakimlər: Ömər Paşayev, İnqilab Məmmədov
“AZAL Arena”
Qeyd edək ki, tura sabah keçiriləcək 3 oyunla yekun vurulacaq.
Vüsal Məmmədzadə