Bakı və Abşeron yarımadasında aprelin 2-də buludlu hava şəraiti üstünlük təşkil edəcək
Ekologiya və Təbii Sərvətlər Nazirliyinin Milli Hidrometeorologiya Departamentinin Hidrometeoroloji Proqnozlar Bürosundan APA-ya verilən məlumata görə, fasilələrlə qısamüddətli yağış yağacağı gözlənilir. Güclü şimal küləyi əsəcək, axşam mülayimləşəcək. Gecə 3-5 dərəcə, gündüz 8-11 dərəcə isti olacaq.
Aprelin 3-də buludlu hava şəraiti üstünlük təşkil edəcək, əsasən, səhər və axşam bəzi yerlərdə qısamüddətli yağış yağacağı gözlənilir. Şimal küləyi gündüz şərq küləyi ilə əvəz olunacaq. Havanın temperaturu gecə 4-6, gündüz 8-12 dərəcə isti olacaq.
Azərbaycanın rayonlarında aprelin 2-də fasilələrlə yağış yağacağı, dağlıq ərazilərdə sulu qara keçəcəyi gözlənilir. Bəzi yerlərdə güclü şimal-qərb küləyi əsəcək. Havanın temperaturu gecə 3-6, gündüz 11-16, dağlarda gecə 0-4, gündüz 5-9 dərəcə isti.
Aprelin 3-də, əsasən, gecə və axşam saatlarında bəzi yerlərdə yağış yağacağı, dağlıq ərazilərdə sulu qara keçəcəyi gözlənilir. Şərq küləyi əsəcək, ayrı-ayrı yerlərdə arabir güclənəcək. Havanın temperaturu gecə 1-6, gündüz 12-17 dərəcə isti, dağlarda gecə 2 dərəcə şaxtadan 3 dərəcəyədək isti, gündüz 5-9 dərəcə isti olacaq.
Mahsun Kırmızıgül Bakıya gəlir
Narkotik vasitələrin qanunsuz dövriyyəsi ilə məşğul olan şəxslər saxlanılıblar 
İlham Əliyev Berlindədir
Elmira Süleymanova vəfat etdi
.jpg)
