“Zalsburq” klubunun baş məşqçisi Adi Hütter “Qarabağ”la baş tutacaq oyundan əvvəl fikirlərini bölüşüb
Simsar.az xəbər verir ki, çalışdırıcı onları çox çətin matçın gözlədiyini qeyd edib: “Cavab matçına məğlub vəziyyətdə çıxacağıq. Lakin bizim qalib gəlmək və mərhələni adlamaq imkanlarımız var. Biz oyuna çox gözəl hazırlaşmışıq. Bu oyunda biz azarkeşlərin də köməyinə arxalanmalıyıq. Səfərdə möhtəşəm azarkeş kütləsi ilə rastlaşdıq. Belə atmosfer gözləmirdik. İndi biz də azarkeşlərimizdən stadionu doldurmalarını xahiş edirik”.
Xatırladaq ki, bu komandalar arasında ilk görüş “Qarabağ”ın 2:1 hesablı qələbəsi ilə yükunlaşmışdı.
Vüsal Məmmədzadə