Azərbaycan çempionu "Qarabağ" UEFA Çempionlar Liqasının üçüncü təsnifat mərhələsi çərçivəsində Avstriya "Zalsburq"u ilə səfər oyununa heyətini müəyyənləşdirib
Simsar.az Azerisport.az-a istinadən xəbər verir ki, baş məşqçi Qurban Qurbanov "Red Bull Arena"da baş tutacaq qarşılaşmada yetirmələrini 5-1-1-2-1 taktikası ilə meydana buraxacaq.
Hansı ki, hücumlar zamanı bu, 3-4-2-1 taktikası ilə əvəz olunacaq.
Qapıda İbrahim Şehiç dayanacaq. Müdafiənin mərkəzində kapitan Rəşad Sadıqova Bədavi Hüseynovla Qara Qarayev kömək edəcək. Sol cinahda ənənəvi olaraq Ansi Aqolli, sağda isə İlqar Qurbanov oynayacaq.
Dayaq yarımmüdafiəçisi kimi Riçard Almeyda çıxış edəcək. Onun önündə isə Çumbinyo mübarizə aparacaq.
İnsayd funksiyasını Danilo Diasla Leroy Corc yerinə yetirəcək. Hücumun sivri ucunda da Vüqar Nadirov yeganə qol ümidimiz olacaq.