“Neftçi” Futbol Klubunun baş məşqçisi Böyükağa Hacıyev “Çixura” ilə oyun öncəsi fikirlərini Simsar.az-la bölüşüb.
- Avropa Liqasında “Çixura” ilə qarşlaşacaqsınız. Cavab oyunu haqda nə düşünürsünüz?
- Cavab oyununa hazırıq. Ayın 6-sı səfərə yollanırıq. Onlara qarşı bütün planlarımız hazırdır. Sərfəli nəticə qazanmağa çalışacağıq.
- Yeni taktika düşünürsünüz?
- Mən hər oyuna fərqli taktika ilə çıxıram. Bu oyun üçün də fərqli taktika fikirləşmişəm. “Koper”lə oyunda da belə etdim və onlar bizim taktikamızı oxuya bilmədilər.
- Komandanın hücum xətti sizi qane edir?
- Hücum xəttində müəyyən problemlərimiz var. Bəzi oyunçularımız istənilən səviyyədə deyil. Xüsusilə Nforun oyunu yaxşı deyil. Biz bu problemləri həll edib qələbə qazanacağıq.
- Kanalesin komandaya qaytarılması ilə bağlı söz-söhbətlər gəzir...
- Avropa Liqasında qrup mərhələsinə vəsiqə qazansaq, o, komandaya qayıdacaq. Mən deyərdim, təkcə hücumda yox, digər mövqelərdə də problemlərimiz var. Qrup mərhələsinə adlasaq, bu problemləri həll edəcəyik. Nfor da bizi qane etməsə, ona da əvəzləyici tapacağıq.
Vüsal Məmmədzadə