Voleybol üzrə qadınlardan ibarət Azərbaycan millisi Dünya Çempionatı öncəsi hazırlıqlara start verib. Simsar.az xəbər verir ki, avqustun 5-də Sloveniyaya yola düşəcək Faiq Qarayevin yetirmələri hazırlıqlara dünən başlayıblar.
Hazırlıqları Sloveniyada davam etdirəcək milli komandamızın bir neçə yoldaşlıq oyunu keçirəcəyi gözlənilir. Toplanışın iki həftə davam etməsi planlaşdırılıb.
Qeyd edək ki, Azərbaycan millisi Mundialda D qrupunda mübarizə aparacaq. Sentyarbın 23-dən oktyabrın 12-dək İtaliyada keçiriləcək Dünya Çempionatında rəqiblərimiz Yaponiya, Çin, Puerto-Riko, Belçika və Kuba yığmaları olacaqlar.