Xəbər vermişdik ki, bir neçə müğənni və qrup, bu gecə paytaxt restoranlarının təşkil etdiyi şou-proqramlarda iştirak edəcəklər. İştirakçılar arasında adı olan “Dostlar” qrupu, məsələyə münasibət bildirib.
Simsar.az-a açıqlama verən qrupunun prodüsseri Tural Nəbiyev, heç bir restoranın şou-proqramında iştirak etməyəcəklərini deyib. “Ümumiyyətlə, bizim bu gün heç bir restoranda, heç bir şou-proqramda iştirakımız olmayacaq”.
Prodüsser əlavə etdi ki, şou-proqramlar, əyləncəli verlişlər rayonlarımızın işğalı günləri də yığışdırılmalıdır: “Bu yaxınlarda Ağdamın işğalı günü idi, bütün telekanallarda əyləncəli verlişlər getdi efirə, restoranlarda şou-proqramlar təşkil edildi, amma kimsə buna reaksiya vermədi”.
Qeyd edək ki, Simsar.az informasiyanı restoranların verdiyi məlumat əsasında əldə etmişdi.
Vüsal Qarayev