Dünyanın ən sadiq azarkeşləri bəlli olub
Simsar.az xəbər verir ki, Braziliyanın “Globe” agentliyi son iki ilin statistik məlumatlarını analiz edərək ən sadiq azarkeşləri müəyyən edib. Əvvəlki göstəricidə “Fənərbaxça”dan öndə olan “Qalatasaray” fanatları bu dəfə əzəli rəqiblərindən geri düşüblər. Belə ki, 100 klubun adının təqdim olunduğu siyahıda “Sarı bülbüllər” 50-ci, “Cim-Bom” isə 57-cidir. 2013-14-cü il mövsümünün göstəricilərinə əsasən “Fənərbaxça”nın hər oyununa orta hesabla 34 min 811 tamaşaçı gəlib. “Qalatasaray”da isə bu rəqəm 32 min 918-dir.
Qeyd edək ki, zirvədə 100 faizlik nəticə ilə Dortmund “Borussiya”sıdır.
Vüsal Məmmədzadə