“Qarabağ” və “Zalsburq” arasında matç bitəndən sonra hər kəs növbəti oyuna gözləməyə başlayıb. Beyni məşğul edən əsas sual isə ilk oyunda qırmızı vərəqə ilə cəzalanan Reynaldonun əvəzinə cavab görüşündə kimin meydana çıxacağı ilə bağlıdır.
Simsar.az xəbər verir ki, oyunsonrası mətbuat konfrasında jurnalistlərin suallarını cavablandıran baş məşqçi Qurban Qurbanov planlarını gizlətməyərək Vüqara şans verəcəyini dilə gətirib. Uzun fasilədən sonra meydana qayıdan Rəşad Sadıqov da eyni fikirdədir: “Düzdür, Reynaldo "Qarabağ" üçün çox iş görür, komandanın aparıcı futbolçularından biridir. Ancaq son vaxtlar çox yaxşı formada olan Vüqar Nadirovumuz da var. Məncə, Vüqar Reynaldonu layiqincə əvəz edəcək”, - deyən Sadıqov növbəti oyunda hücum xəttindəki boşluğun Nadirovla doldurula biləcəyinə əmindir.
Vüsal Məmmədzadə